عازف الناي
30-01-2003, 03:36 AM
كلمني الاخ والصديق الغالي ابوفارس يتشره علي لقلة مشاركاتي في هذا المنتدى . وله والله الحق في ذلك ولكن يعلم الله بان مايمنعني هوعدم التفرغ والانشغال في امور يعرفها ابوفارس جيدا..
هذه القصيدة اسند علي بها اخي واستاذي هداج وقمت بالرد عليه اتمنى ان تحوز على رضاكم جميعا وبالاخص ابو فارس .
الشاص
راكب اللي ماعلى ممشاه لوم=اشهد انه زام عن وضع الملام
صنعة اليابان قطمان الخشوم=لعنبوهم طوروها كل عام
يقطع الديان جزام الجزوم=ماتعسره من طميه لا سنام
مازمل راعيه خيال العزوم=دام سواقه على وسق السنام
ضامر بطنه تقل نزال حوم=منظر الاشناب تغني عن كلام
ان بغيته فوق مطلوبك يزوم=جافل كنه كما ربدا النعام
الوعر والعرق ماصارن عقوم=من تضاريس الجزيرة مايضام
يفتل الاشناب في روس الرجوم=وان تنخى قال بالشارب حرام
الشبح شاصي عليه من الرسوم=الرسوم اللي على جنبه وسام
حركه رجل على غيره كتوم=شال سر كاتمه خمسة عوام
وسط مظروف مغلف بالختوم=ولا يحطه كود بيدين الغلام
الغلام شمام للعليا يهوم=رجل في معناه في صعب المهام
يابو ثامر عشت ياذيب القروم=عشت ياسرحان يانسل الكرام
عن رداة النفس والهين يشوم=مايحب الهون وعن الهون شام
جعلها تفداك سنحات الرخوم=الرخم من دون مطلوبك ينام
والمدح ماصار في لبس الهدوم=المدح ينقال في شد الحزام
وكان هبت في هبايبها سموم=اعرف اني معك في بني الخيام
لك مواقف ثمنت وقت اللزوم=وقفتك معنا تثمن ماتسام
كاسب للمدح ماهي بالعلوم=بالمواقف والجمايل والحسام
والطبايع والفعايل والسلوم=طيب مجناك ياعالي مقام
مار ياسرحان يوم بعد يوم=تكشف الايام ليه باللثام
ويتبين عقب مخفاق النجوم=صبح يوم عقب محلوك الظلام
يوم جتني ماعليها من الهدوم=كود ستر الوجه مع لمعة زمام
تنتخي وتقول وين اللي يقوم=قلت محفوظه كما بيضة حمام
ويوم راحت صار عندي قل نوم=من يذكرها بفزعات الكرام
وانكرت معروف نطاح الخصوم=وبصمت نكران بصمه بالبهام
ماقصدنا شي في كل العموم=بس ابا انشد كيف هي حل أو حرام
راضي بالوضع قابل ومحكوم=ويش لو جاوبت بالنوح الحمام
والسلام نقول ما شي يدوم=السلام يكون هو مسك الختام
هداج
الهمر
مرحبا بالشاص نطاح الحزوم = سايقه عجل بتنفيذ المهام
يقطع البيداء تقديه النجوم = الجدي يسراه قاصدنا تمام
يوم جاني قال عندي لك علوم = قلت له ابشر ومقضي اللزام
ومد لي ظرف مغلف ومختوم = قال من هداج يقريك السلام
قلت له مرحب وانا والله لاقوم = امتثل لامره وخاضع باحترام
كان ابوفارس بداله بي لزوم = خدمته من فوق صدري لي وسام
اركب اللي ينتفض تقل محموم = الهمر من وارد عيال الحرام
لاضرب له سهلة(ن) دلا يزوم = مايهمه لا عجاج ولا كتام
وان ضرب له وادي(ن) سيله غشوم = كنه الغواص في لج الجمام
مايبي لوحات للوصف ورسوم = عكس درب الشاص يمشي بانتظام
مايوقف لو مشى عشرين يوم = ولا تغمض عينه او يمكن تنام
ما عليكم زود ياهداج دوم = ماكر للطيب يا نسل الكرام
اعتليت المجد حطمت الرقوم = مدهل للجود ياشيخ الجهام
قاسي(ن) قاسي وارحم من رحوم = لين(ن) لين واقوى من حسام
ماكرالاحرار ماهو للرخوم = والقطا ما شيف مع جول الحمام
انت عارف ماتخفى عنك السلوم = كل شخص له مكانه له مقام
وصدق لا قالو قديم(ن) بالعلوم = رب أخ(ن) ماهو من امك تمام
ومن طلب رايك يلو هو من الخصوم = يدخل بذمتك من دون الخصام
والهنوف اللي لفتك بلا هدوم = لعنبوها كان بيضاها ظلام
هي جمالة تنتهي نوب بهموم = صك باب الهم من دون الانام
ياما ناس وناس راحوا به طعوم = اوله بالطيب وأتلاها اللجام
من يطيح بشرها صعب(ن) يقوم = _الكفالة_ للرجل مثل الخزام
الكفالة وان بدت حبة خشوم = نوب(ن) آخرها كلبشات ولحام
بس من مثلك على الطيب محتوم = اشهد انه نادر بشبه انعدام
وان بغيت الوصف هالدنيا سهوم = لا تشيل الا الشطير من السهام
وان وقع في يدك مثلوم ثلوم = حاول تقديه لدروب الشهام
ان تعلم .. او على وجهه يهوم = غارق بالدين في وسط الزحام
وان بغيت افتيك عن بنت عكوم = هي أحل من العسل اوهي حرام
أشهد ان البنت فرقاها سلوم = لانها ياخوي مثل الاحتلام
لاسلمت من الغسل نشوة حلوم = ولا هي اللي خلتك ترجع تنام
وفي الختام اقول الله لايلوم = من رفض يكفل يا لوهو من العمام
عازف الناي
عازف الناي
هذه القصيدة اسند علي بها اخي واستاذي هداج وقمت بالرد عليه اتمنى ان تحوز على رضاكم جميعا وبالاخص ابو فارس .
الشاص
راكب اللي ماعلى ممشاه لوم=اشهد انه زام عن وضع الملام
صنعة اليابان قطمان الخشوم=لعنبوهم طوروها كل عام
يقطع الديان جزام الجزوم=ماتعسره من طميه لا سنام
مازمل راعيه خيال العزوم=دام سواقه على وسق السنام
ضامر بطنه تقل نزال حوم=منظر الاشناب تغني عن كلام
ان بغيته فوق مطلوبك يزوم=جافل كنه كما ربدا النعام
الوعر والعرق ماصارن عقوم=من تضاريس الجزيرة مايضام
يفتل الاشناب في روس الرجوم=وان تنخى قال بالشارب حرام
الشبح شاصي عليه من الرسوم=الرسوم اللي على جنبه وسام
حركه رجل على غيره كتوم=شال سر كاتمه خمسة عوام
وسط مظروف مغلف بالختوم=ولا يحطه كود بيدين الغلام
الغلام شمام للعليا يهوم=رجل في معناه في صعب المهام
يابو ثامر عشت ياذيب القروم=عشت ياسرحان يانسل الكرام
عن رداة النفس والهين يشوم=مايحب الهون وعن الهون شام
جعلها تفداك سنحات الرخوم=الرخم من دون مطلوبك ينام
والمدح ماصار في لبس الهدوم=المدح ينقال في شد الحزام
وكان هبت في هبايبها سموم=اعرف اني معك في بني الخيام
لك مواقف ثمنت وقت اللزوم=وقفتك معنا تثمن ماتسام
كاسب للمدح ماهي بالعلوم=بالمواقف والجمايل والحسام
والطبايع والفعايل والسلوم=طيب مجناك ياعالي مقام
مار ياسرحان يوم بعد يوم=تكشف الايام ليه باللثام
ويتبين عقب مخفاق النجوم=صبح يوم عقب محلوك الظلام
يوم جتني ماعليها من الهدوم=كود ستر الوجه مع لمعة زمام
تنتخي وتقول وين اللي يقوم=قلت محفوظه كما بيضة حمام
ويوم راحت صار عندي قل نوم=من يذكرها بفزعات الكرام
وانكرت معروف نطاح الخصوم=وبصمت نكران بصمه بالبهام
ماقصدنا شي في كل العموم=بس ابا انشد كيف هي حل أو حرام
راضي بالوضع قابل ومحكوم=ويش لو جاوبت بالنوح الحمام
والسلام نقول ما شي يدوم=السلام يكون هو مسك الختام
هداج
الهمر
مرحبا بالشاص نطاح الحزوم = سايقه عجل بتنفيذ المهام
يقطع البيداء تقديه النجوم = الجدي يسراه قاصدنا تمام
يوم جاني قال عندي لك علوم = قلت له ابشر ومقضي اللزام
ومد لي ظرف مغلف ومختوم = قال من هداج يقريك السلام
قلت له مرحب وانا والله لاقوم = امتثل لامره وخاضع باحترام
كان ابوفارس بداله بي لزوم = خدمته من فوق صدري لي وسام
اركب اللي ينتفض تقل محموم = الهمر من وارد عيال الحرام
لاضرب له سهلة(ن) دلا يزوم = مايهمه لا عجاج ولا كتام
وان ضرب له وادي(ن) سيله غشوم = كنه الغواص في لج الجمام
مايبي لوحات للوصف ورسوم = عكس درب الشاص يمشي بانتظام
مايوقف لو مشى عشرين يوم = ولا تغمض عينه او يمكن تنام
ما عليكم زود ياهداج دوم = ماكر للطيب يا نسل الكرام
اعتليت المجد حطمت الرقوم = مدهل للجود ياشيخ الجهام
قاسي(ن) قاسي وارحم من رحوم = لين(ن) لين واقوى من حسام
ماكرالاحرار ماهو للرخوم = والقطا ما شيف مع جول الحمام
انت عارف ماتخفى عنك السلوم = كل شخص له مكانه له مقام
وصدق لا قالو قديم(ن) بالعلوم = رب أخ(ن) ماهو من امك تمام
ومن طلب رايك يلو هو من الخصوم = يدخل بذمتك من دون الخصام
والهنوف اللي لفتك بلا هدوم = لعنبوها كان بيضاها ظلام
هي جمالة تنتهي نوب بهموم = صك باب الهم من دون الانام
ياما ناس وناس راحوا به طعوم = اوله بالطيب وأتلاها اللجام
من يطيح بشرها صعب(ن) يقوم = _الكفالة_ للرجل مثل الخزام
الكفالة وان بدت حبة خشوم = نوب(ن) آخرها كلبشات ولحام
بس من مثلك على الطيب محتوم = اشهد انه نادر بشبه انعدام
وان بغيت الوصف هالدنيا سهوم = لا تشيل الا الشطير من السهام
وان وقع في يدك مثلوم ثلوم = حاول تقديه لدروب الشهام
ان تعلم .. او على وجهه يهوم = غارق بالدين في وسط الزحام
وان بغيت افتيك عن بنت عكوم = هي أحل من العسل اوهي حرام
أشهد ان البنت فرقاها سلوم = لانها ياخوي مثل الاحتلام
لاسلمت من الغسل نشوة حلوم = ولا هي اللي خلتك ترجع تنام
وفي الختام اقول الله لايلوم = من رفض يكفل يا لوهو من العمام
عازف الناي
عازف الناي