الهاجس
06-02-2003, 01:24 AM
بسم الله الرحمن الرحيم
أتحـرى قدومه كل يوم (ن) وليله= مثل منهو تحرى غائبا ما يجيه
فوق عامين وأيام السعادة قليله= وكل ما جيت بضحـك كني أبكي عليه
من وعوده نسجت أحلى الليالي الجميله = وأثر قلبي يطرّز حزن فيما نسيه
وأشغل البال يتذكر ويذكر خليله =وأسهر العين تترقب وله ترتجيه
( وآه .. وآهين )
خطو صبري عثر في حبل كذبه وقيله = مات "عرقوب" وأوصى صار من وارثيه
قلت يالقلب شوري لك تدور بديله= الغلا له.. غليّ جمر(ن) .. وله تحتويه
وأنت يالعين وش بك عن عيوبه كليله= تسدلي جفنها والدمع له تذرفيه
***
انا في حرب مع عيني وقلبي طويله = وعندما أقوى .. تعـوّد للوفاء تنتخيه
الصراع أحتدم .. والفكر ميدان خيله = الوفاء.. خانني !! ياهو.. حكيم أو سفيه
جاء حكيم وشار.. الخصم يعطى مهيله = مهلة بعدها يالعين..!! لا تعذريه
وقال يالقلب وافي.. واضح أنك وفي له =غير شوف الوفاء وداك فيما أنت فيه
وأنا بحكم و كل(ن) حرّ يسلك سبيله = وكل(ن) أدري بما قدّم وما يدّعيه
ثم وصىّ يقول ..: القلب يخطي دليله = لا تطيعة ولو يقنعك فيما يبيه
ذي صروف الزمن وأيام ربك كفيله= تختبر مخبرالمعدن .. وتكشف وجيه
يا سلامي على ذا العقل راع الفضيلة = أصدر الحكم في الهقوى بحكم نزيه
الهاجـــــــــــس
5/12/1423هـ
أتحـرى قدومه كل يوم (ن) وليله= مثل منهو تحرى غائبا ما يجيه
فوق عامين وأيام السعادة قليله= وكل ما جيت بضحـك كني أبكي عليه
من وعوده نسجت أحلى الليالي الجميله = وأثر قلبي يطرّز حزن فيما نسيه
وأشغل البال يتذكر ويذكر خليله =وأسهر العين تترقب وله ترتجيه
( وآه .. وآهين )
خطو صبري عثر في حبل كذبه وقيله = مات "عرقوب" وأوصى صار من وارثيه
قلت يالقلب شوري لك تدور بديله= الغلا له.. غليّ جمر(ن) .. وله تحتويه
وأنت يالعين وش بك عن عيوبه كليله= تسدلي جفنها والدمع له تذرفيه
***
انا في حرب مع عيني وقلبي طويله = وعندما أقوى .. تعـوّد للوفاء تنتخيه
الصراع أحتدم .. والفكر ميدان خيله = الوفاء.. خانني !! ياهو.. حكيم أو سفيه
جاء حكيم وشار.. الخصم يعطى مهيله = مهلة بعدها يالعين..!! لا تعذريه
وقال يالقلب وافي.. واضح أنك وفي له =غير شوف الوفاء وداك فيما أنت فيه
وأنا بحكم و كل(ن) حرّ يسلك سبيله = وكل(ن) أدري بما قدّم وما يدّعيه
ثم وصىّ يقول ..: القلب يخطي دليله = لا تطيعة ولو يقنعك فيما يبيه
ذي صروف الزمن وأيام ربك كفيله= تختبر مخبرالمعدن .. وتكشف وجيه
يا سلامي على ذا العقل راع الفضيلة = أصدر الحكم في الهقوى بحكم نزيه
الهاجـــــــــــس
5/12/1423هـ