السروي
27-02-2003, 09:50 PM
للشاعر الأمير : تركي بن حميد رحمه الله
نومك طرب وانا بنومي هواجيس = ما ساهرك بالليل كثر الهمومِ
أسهر الى نامت عيون الهداريس = بالليل أساهر ساهرات النجومِ
أوجس بقلبي مثل صلوْ المحاميس = الله يلوم اللي لمثلي يلومِ
أشوف عدلات الليالي مقابيس = ولحدٍ من الدنيا عظامه سلومِ
تضحك وتخفي لك خفي الهناديس = تفطر لها يومٍ ويومٍ تصومِ
إعمل وتلقى وافهم العلم بالقيس = دنياك لو زانت تراها نقومِ
قا لوا جهلت وقلت جهلٍ بلا قيس = الجاهل اللي ما يعرف اليمومِ
من لا يدوس الراي من قبل ما ديس = عليه داسوه العيال القرومِ
ومن لا يقلِّط شذرة السيف والكيس = تبدي عليه من الليالي ثلومي
ومن لا خذا الدنيا بميزٍ وتقييس = مثل الذي يصبح ببحرٍ يعومِ
البَنِي ما يصلح على غير تأسيس = ومن لا تعلّمْ ما تسر العلومِ
ولا توافق مشْور السو وابليس = تِِبَرْ00مِنْه 0وعز ربي يدومِ
كَلْ0 القلم0 من كَتْبنا والقراطيس = و رْْكابنا من كثر الادلاج تُومِ
ولا خير في كثر الحكا والتماليس = وقولٍ بلا فعلٍ يجي به وهومِ
والعز فوق معسكرات السواديس = إلى قصَدْت اللي بالاشيا رحومِ
قبٍ تنازى بالنشامى كراديس = والطير في روجاتهنه يحومِ
بالليل أصالي حاميات المحاميس = والصبح أصالي كل قبّا قحومِ
أربع سنين ودمع عيني أماريس = والعين تسهر كن فيها هزومِ
والى ركبت معالجات المضاريس = يبرد على قلبي لهيب السمومي
صوابنا بالحيل عمقٍٍ الى قيس = وطريحنا في مثبره ما يقومِ
إن جن بنا مثل النعام الاماريس = لا خف عجلٍ مع رقاق الحزومِ
إستلحق اللي يطلبون النواميس = اللي من الاقصين وادنى اللحومِ
إن جن مع الميدان مثل الدواويس = وطار الغطا عن قانيات الرقوم
عرج باهلهن كنهن القرانيس = على الطريح مصوبراتٍ كظومِ
فلومي على اللي ينقلون العبابيس = واهل الفرنج وكل رامي لحومِ
وشلفٍ تركّبْ بالعروق الميابيس = وقحص المهار وكل قبَّا قحومِ
والى سمك عج الرمك بالملابيس = المسعد اللي حظ ربعه يقوم
والشيخ من يعطي الفقارى المفاليس = ويبدّل الساعه بعزس يقوم
الحر لا دبّتْ عليه الرواميس = يشْهرْ وعن دار المذلّه يشومِ
والى اكترب من بعض الاشيا نسانيس = أعزم ولا بد الفرج بالعزومِ
باب الفرج لبسك نظيف الملابيس = ينجيك بايام الكرب والزحوم
يجلي صدا قلبي ضبيح المهاريس = لا قام شراب القهاوي يعوم
ودلال فوق النار دايم مجاليس = إكرامهن حقٍ علينا لزوم
من صنعة الصبّه وخمس التخاميس = بريةٍ يعمل بها كل يومِ
وبهارهن هيلٍ بليا حواسيس = كيفٍ يعدى للنشامى القرومِ
عدّه لحمّاي العياد المراويس = والا الحصان اللي بقينه وهومِ
حتى يزين (إلْنا ) المثل والتوانيس = والكيف طاب لمن يفك القحومِ
وصلاة ربي عد رمل الطعاميس = على شفيع الخلق يوم اللمومِ
نومك طرب وانا بنومي هواجيس = ما ساهرك بالليل كثر الهمومِ
أسهر الى نامت عيون الهداريس = بالليل أساهر ساهرات النجومِ
أوجس بقلبي مثل صلوْ المحاميس = الله يلوم اللي لمثلي يلومِ
أشوف عدلات الليالي مقابيس = ولحدٍ من الدنيا عظامه سلومِ
تضحك وتخفي لك خفي الهناديس = تفطر لها يومٍ ويومٍ تصومِ
إعمل وتلقى وافهم العلم بالقيس = دنياك لو زانت تراها نقومِ
قا لوا جهلت وقلت جهلٍ بلا قيس = الجاهل اللي ما يعرف اليمومِ
من لا يدوس الراي من قبل ما ديس = عليه داسوه العيال القرومِ
ومن لا يقلِّط شذرة السيف والكيس = تبدي عليه من الليالي ثلومي
ومن لا خذا الدنيا بميزٍ وتقييس = مثل الذي يصبح ببحرٍ يعومِ
البَنِي ما يصلح على غير تأسيس = ومن لا تعلّمْ ما تسر العلومِ
ولا توافق مشْور السو وابليس = تِِبَرْ00مِنْه 0وعز ربي يدومِ
كَلْ0 القلم0 من كَتْبنا والقراطيس = و رْْكابنا من كثر الادلاج تُومِ
ولا خير في كثر الحكا والتماليس = وقولٍ بلا فعلٍ يجي به وهومِ
والعز فوق معسكرات السواديس = إلى قصَدْت اللي بالاشيا رحومِ
قبٍ تنازى بالنشامى كراديس = والطير في روجاتهنه يحومِ
بالليل أصالي حاميات المحاميس = والصبح أصالي كل قبّا قحومِ
أربع سنين ودمع عيني أماريس = والعين تسهر كن فيها هزومِ
والى ركبت معالجات المضاريس = يبرد على قلبي لهيب السمومي
صوابنا بالحيل عمقٍٍ الى قيس = وطريحنا في مثبره ما يقومِ
إن جن بنا مثل النعام الاماريس = لا خف عجلٍ مع رقاق الحزومِ
إستلحق اللي يطلبون النواميس = اللي من الاقصين وادنى اللحومِ
إن جن مع الميدان مثل الدواويس = وطار الغطا عن قانيات الرقوم
عرج باهلهن كنهن القرانيس = على الطريح مصوبراتٍ كظومِ
فلومي على اللي ينقلون العبابيس = واهل الفرنج وكل رامي لحومِ
وشلفٍ تركّبْ بالعروق الميابيس = وقحص المهار وكل قبَّا قحومِ
والى سمك عج الرمك بالملابيس = المسعد اللي حظ ربعه يقوم
والشيخ من يعطي الفقارى المفاليس = ويبدّل الساعه بعزس يقوم
الحر لا دبّتْ عليه الرواميس = يشْهرْ وعن دار المذلّه يشومِ
والى اكترب من بعض الاشيا نسانيس = أعزم ولا بد الفرج بالعزومِ
باب الفرج لبسك نظيف الملابيس = ينجيك بايام الكرب والزحوم
يجلي صدا قلبي ضبيح المهاريس = لا قام شراب القهاوي يعوم
ودلال فوق النار دايم مجاليس = إكرامهن حقٍ علينا لزوم
من صنعة الصبّه وخمس التخاميس = بريةٍ يعمل بها كل يومِ
وبهارهن هيلٍ بليا حواسيس = كيفٍ يعدى للنشامى القرومِ
عدّه لحمّاي العياد المراويس = والا الحصان اللي بقينه وهومِ
حتى يزين (إلْنا ) المثل والتوانيس = والكيف طاب لمن يفك القحومِ
وصلاة ربي عد رمل الطعاميس = على شفيع الخلق يوم اللمومِ