مشاعل الخليج والشباك رقم 7

[كاتم العبرات]

هذا هو الواقع في شركة مشاعل الخليج في الرياض وكيل جوالات نوكيا ، عندما نسمع عن شركة مشاعل الخليج

وعن خدماتها يتخيل لنل انها الشركة الأم المصنعة لجوالات نوكيا ،وترى الناس يتسابقون في شراء الاجهزة حاملة ضمان هذه الشركة،وأيضا مانرى في السواق من اسعار الاجهزة نجد أن الأجهزة حاملة ضمان مشاعل الخليج هي الأغلى ولكن على ماذا هل هو الضمان الذي يعدونك به وما أجمله من ضمان هل هي الخدمات المقدمة لمابعد البيع وما أجملها من خدمات،،

أريد ان أقول لكم لا تنخدعوا بهذه الوعود الزائفة فعندما تدخل مشاعل الخليج وترى الكم الهائل من الناس تقول يالها من شركةولكن انتظر قليلا وأنظر الى المهازل التي تحدث هناك ستة شبابيك للرجال والمفروض ان بها ستة رجال يخدمون الزبائن ولكن لا يوجد بها احد وذا مر عليك احدهم بالصدفة يكلمك (من طرف خشمة ،خير ياخوي وش عندك بسرعة وراك ناس) فاذا بالزبون يقول له عندي جهاز نوكيا حصلت فيه مشكلة ولم يعد صالحا وترى الموظف يقول: (طيب خلاص حطه وتعال بعداسبوع....وين اللي بعده بسرعه ياخي وراي شغل ) واذا بالأول يقول له طيب هل لي بجهاز بديل لأن اسبوع فترة طويلة وانا لا أملك الا هذا الجوال فيرد الموظف قائلا: (لالالا مافيه أجهزه لاتحسب ان مافيه الا انت جهازك خربان ،،، اللي بعده بسرعة ) ويأخذ الجهاز الذي بعده وبنفس الأسلوب يتعامل مع الأول وهكذا،،،،
الى اخر رجل هي معاملتهم دائما،،،،،،،،،،،،،،

بينماتذهب وترى الشباك رقم 7 المخصص للنساء يوجد به ستة موظفين (((فوق بعض))) فاذابهذه البنت الفاتنة تدخل وهؤلاء يتلهثون وتقف عند الشباك واذا بست روؤس مبتسمة (أهلين..هلاوالله..تفضلي الله يحيك..امري تدللي وش نقدر نسويلك بس انتي اشري ) واذا بالبنت الفاتنة تقول: ((الجهاز ما أدري وش فيه طفا فجأة) وذا بالموظفين الستة يتسابقون في الرد وأخذ الجهاز منها ويقول أحدهم: (مافي مشكلة انتي عطيني الجهاز وبعد ساعتين تجين تستلمين الجهاز واذا ما صلح نغير لك الجهاز على طول ونعطيك جديد) وتقول هذه البنت (يووووه كثير بعد ساعتين) يرد عليها الموظف قائلا (خلاص بعد ساعة كويس وبعدين قبل لا تجين وتتعبين نفسك هذا رقمي كلميني اعلمك تجين والا لأ ) ;):D|3|

الى متى هاذه المهزله؟؟:(:mad:
منقول
أخوكم كاتم العبرات.....

[إبتسامة طفل]

الله يجيرنا والله مصيبه وكنا مخدوعين بمشاعل الخليج
اجل الحمد لله اني بنت |3|
هذي المشكله ماهي بمشاعل الخليج للأسف في كل مكان ونسأل الله العافيه ..

[ـالـمـزــوـن ــ]

ههههههههههههههههههههههه كاتم العبرات
والله انك صادق ...
بس فعلاً هذه المشكله بكل مكان حتي عند الحداد
وصارت معي قالي خذي رقمي ودقي قبل لاتجين ...
والله فعلاً قلة ذووق ..

<========= عطت الرقم السواق زززززززززول راح يدق ويسال ....
ههههههههههه اكيد الرجال بعد مارد جاه صرع مزمن

تحياتي لك اخوي كاتم العبرات

[راعي المحبة]

هههههههههههههههههههههههههههههههه
هههههههههههههههههههههههههههههههههههههااااااااااااا ي

والله مشكليشن ............ والحمد لله أنه جوالي مو بضمان مشاعل الخليـ(ش)

واصلا مو نوكيا مره وحده ................

شكرا لك اخوي كاتم العبرات على الموضوع الرائع ..............

وبصراحه هذه مشكلة يعانون منها الشباب كثير .............

-0--------------------------

راعي المحبة

[الــحــزيــنــه]

خخخخخخخخخخخ

اجل الحمد لله اني بنت هههههه ولا كان باخر الصف منتظره

بصراحه اخوي

بكل مكان كذا يفضلون البنت على الرجال <<<<<<< من مصلحتنا هالشي ههههههه


علشان نقضي امورنا بسرعه ولا ننتظر ولا شي


<<<<<< تبي تحركم شوي ههههههه


الف شكر لك اخوي


تحياتي

[dream]

كاتم العبرات ................مع التحيه

شكرا لك على التحذير ....وهذه المشاكل دائما ما تحدث من البعض من الموظفين ...
الغير قديرين .......فتراه يقيم الدنيا لخدمة النساء ولا يأبه بذلك الصف الذى ينتظره من الرجال ......فليت قصده احتراما للمرأه ولكن هو اللهث وراء سراب تلك المرأه والعكس صحيح ....والله الهادى الى سواء السبيل ..................

[وجه الخير]

هههههههههههههههههههههههههههههههههههههههههههههههههه هه

طيب اخوي كاتم لاتزعل ولايضيق خاطرك اعط الجوال لاختك او زوجتك وبتجيب لك بدل الجهاز الف :D

وبكذا تكون انحلت المشكله :D----->ياحليلي:p






تحياتي لك:

|161|

[عــ سبيل ــابر]

مشكور اخوي كاتم على الموضوع .....

والي أشوفه ان الأخوان الأعضاء ماخذين الموضوع مزح وضحك ...

وصدقوني المسئله أكبر من كذا بكثير ....

يعني إذا المسئله كذا وشلون ممكن أخلي أختي أو زوجتي أو أحد من أهلي يروح يخلص شغل له أو حتى يفكر يروح لأي مكان ....

مااظن فيه رجال عنده غيره ونخوه ممكن يفكر ولو مره وحده انه يخلي احد من اهله يروح لمثل هالاماكن .....

إذا في كل مكان البنت ينظر لها النظره هذي .....

وانها مجرد **** ( ماابي اقول هالكلمه )

لازم نحط في بالنا موضوع واحد ان المرأه في مجتمعنا هي أمي وأختك وابنتك

وأنك ماترضى أحد يعاملهم كذا فـ من باب أولى أنك ماتعامل بنات الناس بالشكل هذا ...

ومثل ماهو معروف ان هالأمور دين عليك وراح تردها في زوجتك او اختك او بنتك

انا مو ضد أنهم يتعاملون بالطريقه هذي

بالعكس مستعد أنتظر بدال الدقيقه ساعه وما تتأخر البنت لأن وجودها في هالمكان مو مناسب

لكن أنه يتعامل معها بالطريقه هذي ؟؟

هذا الي مستحيل أرضاه .......

ولكم تحياتي أخواني وأتمنى أكون وضحت وجهة نظري ....

[وجه الخير]

طيب ايش الحل بنظرك؟؟؟
عابر سبيل

[عــ سبيل ــابر]

حياك الله اختي وجه الخير

انا عضو في مجتمع ومو بيدي لوحدي أغير المجتمع كله ..!!

لكن الموضوع يبدأ من التربيه ......

إذا كل أب وأم يعلمون ولدهم ( الي هو شاب المستقبل ) أن كل بنت هي أخته

ولازم يغار عليها ....

وطبعا اذا شاف الغلط عليها ينصحها .......

وطبعا قبل هذا كله

هذا نتيجه البعد عن الدين

والدليل شوفي الناس الي فيهم خير

عمره مافكر يتعامل كذا مع البنت

ويعاملها بكل أدب واحترام

ومو قصده أنه يرقمها او يطلع معها !!

أتمنى أكون وضحت النقطه هذي

واكيد الاعضاء عندهم شي يضيفونه

ولك تحياتي

[وجه الخير]

معك حق اخوي عابر بس الحين تلاقي البنت مع ابوها او اخوها او زوجها ومع ذلك تتعرض للمضايقات:eek:

ليش؟؟؟

لانه صارت عندهم جراه ووقاحه مالها داعي ؟؟؟

بس بالاول والاخير اذا كانت البنت محتشمه صدقني مايقربون حولهاا:rolleyes:


تحياتي لك |545|

[دنيا الجراح]

أخي كاتم العبرات .

مشكور على هذا المنقول ، وليس لدي تعليق غير أنني أؤيد كلام أخي عابر سبيل

تحياتي

[كاتم العبرات]

أبتسامة طفل....... المزون....... راعي المحبة.....الحزينه ......دريم ....... وجه الخير ...... عابر سبيل..... دنيا الجراح .........
السلام عليكم
شكراً لكم على مروركم الكريم على منقولي ........:)
والموضوع زي ما ذكر اخوي الفاضل عابر سبيل مو هين ..... وخطير ......... ويجب ان ننتبه له ..............
وأسف على تأخري في الرد........
اخوكم كاتم العبرات .....

[السفير العربي]

اخي كاتم العبرات.الحمدالله ان جهازي اريكسون ولا كان الحين من الى وقف في اخر الصف.
.

[الشارف]

عندي ياشباب

قطع غيار (ركب) اذا احتجتوها دقو على قبل ماتجووووووون قصدي (تروحون) هناك


سكرتير العلاقات العامه :
ملفي ابو خشم (والله من الدجه)

الرقم :009655xxxxxxxxxxxxxxxx

تحيتي

[عنود الصيد]

يعطيك العافيه اخوي كاتم العبرات
ومو بس المشكله بالجولات في اشياء كثيره مثل البنك والتقديم في الهاتف اشياء انا شفتها كنت اخلص شغلي مبكر وغيري واقف زي الالف ما تحرك الطابور وانا ماشيه لبيتنا
واعتقد اكثرهم يغني ياليل مااااااااطولك
ولو كان فيه رقابه معتقد انه راح نوصل لها الموصيل
شاكره لك نقلك للموضوع لانه يهم الجميع
تحياتي لك

[كاتم العبرات]

** السفير العربي *** يا أبن الحلال اركسون .. موتريلا .. سمنس .. سامسوج ...
كلهم نفس المشكله العيب مش في الجهاز ونوعه العيب في المواظفين ....
شكراً على مرورك الكريم .....
**شارف **** أحجزلي 1000 كترتون من الركب حفيفه ومتوسطه وقويه ..:D|3|
هههههههههههههههههههههههه
مشكور اخوي الغالي على المرور على الموضوع ....
** عنود الصيد ** الكلام على التربيه من البيت والمدرسه .......... ولا زم تكون في رقابه شيدية + عقاب أشد على من تسول له نفسه القيام بمثل هاذه الأعمال المخزيه .....:(:mad:
مشور على المرور الكريم على الموضوع ....
أخوكم كاتم العبرات ............:)|1||1|:)

[بشار]

سلام عليكم
عندي فكرة حلوة
البس عباية وبرقع واخدعهم
واخلص بدري

[كاتم العبرات]

أخوي بشار
السلام عليكم
مشاء الله تلبس عابه وبرقع :eek: متردي أن الله سبحانه يلعن المتشبهين من الرجال بالنساء ..... شكلك تبي تكحلها عمتها .....:p
انتبه وانا اخوك .............;)
اخوك كاتم العبرات ................