من كان لا يجرح ولا هو [يداوي

[المحارب]

من كان لا يجرح ولا هو [يداوي

قلَّه تري ما له مكانٍ مع الناس

ومن لا يميِّز كل شي إمتساوي
تصبح حياته ضايعه ما لها ساس
ومن لا عرف في خوِّته من يخاوي
يندم وتالي الوقت يبشر بالأفلاس
ومن لا يعيل الناس ما هي بتاوي
تبلاه في نفسه من الناس الأنجاس
ومن لا يسر نفسه فلا هوب قاوي
يسِر غيره لو الأرياق يبَّاس

ولا عاش بالحيلات من هو حياوي
درب الحياله والصقاره للأدناس
ما سرَّت ضعوف الرجال المناوي
ولا يدري الحر المعرَّب علي الياس
وأنا الذي ما ني علي الناس غاوي
فيهم ذهب فيهم بعد فض وإنحاس
فرق وتفاوت بينهم بالهقاوي
في الناس مَطنوخٍ وفي الناس لا باس
أحدٍ علي ربعه كما النجم ضاوي

المرجلَه ثوبٍ له إقياس وإلباس
من صغر سنَّه للمراجل شفاوي
ربعَه من أسبابه تنومس تنوماس
وش هالمصيبه ألا وش هالبلاوي
لا قِيل وجه البوم يا طير قرناس
صار التِّبِع متبوع والشيخ شاوي
تسبقه حراسٍ وتتبعه حراس
وإليا حكا تسمع إصياح وعزاوي
كلٍ ينعِّم له بلا حد وإقياس

أما الوضع مقلوب ما له إمداوي
أو وقتنا هذا له أشكال وأجناس
فأحسن لي أجلس في مكاني خلاوي
ولا أماشي إللي خوِّته تنزِّل الراس
والله ما أهين النفس ولا ني بناوي
رزقي وعمري كافله خالق الناس

[المحارب]

إبتدت حرب المهالك وإنتهى السِلم ومجاله



وإرتكب أهل الجريمه إبشع أنواع الجريمه

داهموا بغداد جيش الشرك وأحفاد الظلاله



حنّوا لتدمير تاريخ الحضارت االقديمه

بين بعثيّ العراق وبين جرذان العماله



إنثنت ياويل قلبي بنت الإسلام العظيمه

آآآآآه ياوجدي عليها وجد من ضيمه خواله



إن نواهم صاحت أُمه وإن تركهم صاح ضيمه

أو وجود القاصر اللي مغتصب عمّه حلاله



هو يتيمٍ بين ربعه ماله الا إخت يتيمه

أو وجود النادر اللي ناطح الغاره لحاله



إن وقف زادوا صوابه وإن وقع صاحن حريمه



أو وجود الديّن اللي ماأرتكب جُرم وخمَاله



بعد ماقصوا يمينه إعترف راعي الجريمه

أو وجود اللي خصيمه فجأةٍ وقّف اقباله



جاليٍ من وسط ربعه وأشْجع اربوعه خصيمه



أو وجود الطيّب اللي تو ماكبروا عياله



بعد ماكبروا عياله صار طيبهم هليمه

أو وجود اللي يمينه باالسلاسل مع شماله



شيخ قومٍ عقب عزه عاش حقران وهضيمه

حسرتي والله على حسنك يابغداد وجماله



وحسرتي والله على الشعب العراقي في جحيمه

للمقاله ( آتصيقه ‎) كل ماقيل قصفوها‎



ياعرب موت القلوب اليوم عاهه مستديمه

لاتورْونا صورّهُم إتركوا كلٍ بفاله



الْبِدوا والذيب يلْبِد لانبح كلب الخريمه

يعني وش رايح نسوّي غير يالاله يلاله



لاتحرون القلوب القاسيه تصبح رحيمه

لاني مغيّر زمان ولاني امحرّم حلاله



بس أشوف إن العروبه تسحب اذيال الهزيمه

سامح الله من قراني مافهم فحوى الرساله



ونيّتي والله سليمه مدرك أبعاد الكلام ‎..



الشهر هذا مُحَرّم والله مْحرِم قتاله



بس ياالله ماعلينا كل ضربة بتعليمه

أبشروا يالشرق الأوسط بالتسكّع والبطاله



يامدوّرة الغنايم إنتم اليوم الغنيمه

جت مغول الغرب يم الشرق والقصد إحتلاله



خلف هولاكوا أوروبا جوك يتلون البهيمه



من متى كان اليهودي له على المسلم جماله



من يقول إن العواقب مانتايجها وخيمه

عارفين المستخبي إندثر وقت الجهاله



والغبيّ اللي يفكر لذة الدنيا مقيمه

يولد الحي ويموت وينولد حيٍ بداله



والحظيظ اللي خطا رجليه دايم مستقيمه

أشهد إن المهدي اللي ننتظر طوّل وصاله



وَصْل الإحباط الحناجر وأقطب المجهول غيمه

باكر تشوفون باكر قولوا ماقال الطواله



كان ماباكر غدينا للخنازير الوليمه

إلا إن كان إتحدنا وصفنا عاد إكتماله



وإجتمعنا كلبونا ضد عدوان وظليمه

فيصــل الطواله

[الشارف]

صح لسان القائل والناقل

[يتيم الحب]

أما الوضع مقلوب ما له إمداوي
أو وقتنا هذا له أشكال وأجناس
فأحسن لي أجلس في مكاني خلاوي
ولا أماشي إللي خوِّته تنزِّل الراس
والله ما أهين النفس ولا ني بناوي
رزقي وعمري كافله خالق الناس






مشكووووووووووووور اخوي قصيده اكثر من رائعه

من جد حلووووه

لك تحياااااتي ...

[رأي متواضع]

الفاضل / المحارب .. حفظكم الله ..
شكر الله لكم أخي الكريم .. والله يعطيك العافية ..
سيدي الكريم .. تتوارى الكلمات خجلى أن لها أن تظهر .. امام
هذه الحرووووف الناطقة .. والكلمات النابضة .. و المعاني القوية ..الصادقة ..
وياليت قومي يعلمووووووووون..

أما الوضع مقلوب ما له إمداوي

أو وقتنا هذا له أشكال وأجناس

فأحسن لي أجلس في مكاني خلاوي

ولا أماشي إللي خوِّته تنزِّل الراس

والله ما أهين النفس ولا ني بناوي

رزقي وعمري كافله خالق الناس


*** .. *** ..


ياعرب موت القلوب اليوم عاهه مستديمه

لاتورْونا صورّهُم إتركوا كلٍ بفاله

الْبِدوا والذيب يلْبِد لانبح كلب الخريمه

يعني وش رايح نسوّي غير يالاله يلاله

لاتحرون القلوب القاسيه تصبح رحيمه

لاني مغيّر زمان ولاني امحرّم حلاله

بس أشوف إن العروبه تسحب اذيال الهزيمه

سامح الله من قراني مافهم فحوى الرساله

والله يعطيك العافية اخي الكريم .. لكم عميق شكري مع الفائض من ودي واحترامي ..

أختكـــــــــــــــــــــــــــــــــــــــــم ..