مصير الوقت يثبت لك وفاي ويحرق اعصابك

[همسه نغم]

ابرحل عنك صدقني كرهت الحب باسبابك
ابرحل ما حنيت الراس لك يا خاين العشره



ابرحل واهجر ديارك وخلك في هوى احبابك
ابرحل والغلا بيني وبينك منتهي عـصـره



ابرحل واترك الماضي وبمسح صفحة كتابك
ابرحل عنك واسمعها أنا طلّقتك بـعـشـره



تعبت اكذب الواقع واصدّق كذبة اعجابك
لأني عاشق مخلص ملكني حبّك بسـحـره



تعبت اراعي شعورك واغظ الطرف بغيابك
غشيم واحسبك وافي خدعت القلب بالنبره



رخصت الكل من شانك .. رضيت اتحمل عتابك
ولكن للأسف حبّي من افعالك ذبل زهــره


تحملتك على ظلمك وقلت الوقت يصفى بك
واشوفك تلعب بذيلك وغدرك آه وش كبره


الوفوق الغدر تتمسكن وتخفي سّم بانيابك
وتظهر دمعتك تبغي تغش اللي رخص عمره



ولكن وفّر دموعك تراني خابر العابك
انا ماني مثل غيري ضعيف النفس والقدره



محيت اسمك وشقّقت الرسايل وانقفل بابك
ولا عاد المشاعر يحترك من شوقها شعره



كرهت اسلوبك الماكر كرهت اناظر اهدابك
وعفتك عقب ما بانت حقيقة قلبك وغدره



مصير الوقت يثبتلك وفاي ويحرق اعصابك
وتتحسف على مافات منك وتمتلي حسره


اقول ارحل فمان الله ولاني بحسب حسابك
مدام الغدر في دمك توكل لا تجي بكره



توكل لملم شتاتك معاد الوقت يحلى بك
توكل لا تحسب أني بهل بغيبتك عـبـره



ابي تنسى حروف صغتها لك يوم تزهى بك
وابي تنسى حبيب سال حبره دم في شعره



بعلّمك الوفا واشلون لين الغمّ ينتابك
واجرعك العذاب اشكال دامك تبريت بالعشره

[الفارس]

همسة نغم


صج لسانك على طيب المنقول


رغم ما بها من شدة وقسوة ولكن العذر ثم العذر تجاه من لا يقدر مكانة الاخر

حضور دائم مع جودة المحتوى


دمتِ بخير

ِ

[ريومة]

.
محيت اسمك وشقّقت الرسايل وانقفل بابك
ولا عاد المشاعر يحترك من شوقها شعره
كرهت اسلوبك الماكر كرهت اناظر اهدابك
وعفتك عقب ما بانت حقيقة قلبك وغدره
.
همسه نغم
.
كم اشتاقت مشاعرنا
لهمسات احساسك
التي تعزف على أوتآر الالم
.
دمتى ودامت نبضات قلبكِ
.
http://staff.maosongsoft.com/uploads/6351/159/4/127015860189.gif

[راسى عالى]

.
.
همسة ..


وهمس الجمال وقيد الرووووعه تحمليها فيطياتك ..
شاعريه فذه تحمل من العطاء ..
شموخ ورونق ..



اشكرك غاليتي ..


.

[شهودة]

همسة نغم
صح لسانك على طيب المنقول ,,,

مع خالص الشكر والتقدير

[امل عمري]

تعبت اكذب الواقع واصدّق كذبة اعجابك
لأني عاشق مخلص ملكني حبّك بسـحـره



تعبت اراعي شعورك واغظ الطرف بغيابك
غشيم واحسبك وافي خدعت القلب بالنبره



رخصت الكل من شانك .. رضيت اتحمل عتابك
ولكن للأسف حبّي من افعالك ذبل زهــره





.






يسلم ذوقك
ويسلم أحساسك
معبرهـ .. بقسوهـ





.