العوده الى المدرسه !!!

[جرح الموده]

السلام عليكم ...

أتمنى انكم قد قضيتم عطلة سعيدة ومفيدة .... وها انـا اليوم اول من تفتح ابواب المدرسة بالمنتدى ... اعلم بشعوركم عندما قرأتم العنوان

الاجازة خلصت ... والمدارس جربت ... والجيووب فرغت ... الامهات زهقن ..والابهات طفرن ... والطلاب لعت جبدهم ...

ياويلي حالي هاي السنه الدراسيه على الابواب .. والكل اتجهز والي يفكر يتجهز ... بصراحه الله يعين الي عنده اعيال ..

ابويه ابا شنطه ... ابا دفتر .. قلم ... اوه نسيت جلاد وووووووو الخ


اتمنى من كل الطلاب اجاوبني بصراحه ....


س1 _ ما هو شعورك أول ما قرأت عنوان الموضوع ((العودة الى المدارس )) ؟؟

س2_وماذا تقول وتحس عندما ترى هذا الشعار في اماكن كالسوق وغيرها ؟؟

س3_ هل انت مستعد نفسيا" الى الاقبال على سنة دراسيه جديده ؟؟ وكيف تهيأ نفسك ؟؟

س4_ هل أنت متفائل او متشائم من هذا العام ؟؟

س5_ توك مخلص صيفي والحين بترد دووام مره ثانيه الله يعينك ههههه ؟شنو تعليقك ..؟؟

س6_ ما هو شعورك في اول يوم مدرسة وانت مقبل على اصدقاء جدد او مرحلة جديده ؟؟ وكيف تتصرف ؟


تحياتي للجميع .. جرح الموده

[شمس المحبه]

هلا فيك جرررررررح وفي موضوعك هذا اللي اشوي اعتبره غثه

خخخخخخخخخخخخخخخخخخخخخخ

لا بس تعرفين من عنوان الموضوع الله يعين اللي في المدرسه

الحمد الله اني تجاوزت ها المرحله بس على المسكين اللي لسى وراهم وراهم وين مايرحووووووون


>>>>ومثل ماقلتي ياالله من طلباتهم اللي ماتخلص....لين تخلص دراسه

بس انا بجاوبك على اللي كـان وعملته ايااااااام الدراسه ....

يالله باسم الله علي بس....D مرار الدراسه .....

س1 _ ما هو شعورك أول ما قرأت عنوان الموضوع ((العودة الى المدارس )) ؟؟

خخخخخخ اول ماقريتيه قلت وووع واااااف جاااااات عاد الغثه ...وش ذا بسرعه جاااات الدراسه ......>> هذا بعد تعدتها
س2_وماذا تقول وتحس عندما ترى هذا الشعار في اماكن كالسوق وغيرها ؟؟

مـــالت عليهم من مدارس ودراسه موب محصلين منهم الا وجع الراس

ههههههههههههههههههههههههه

س3_ هل انت مستعد نفسيا" الى الاقبال على سنة دراسيه جديده ؟؟ وكيف تهيأ نفسك ؟؟
أكــــــيد لالالالالالا أصــــلاً مافي احد يتهـأ نفسياً لها ......

س4_ هل أنت متفائل او متشائم من هذا العام ؟؟ :D:D
متــشــأمــــــــمه بقووووووووه ومالي نفس بعد
س5_ توك مخلص صيفي والحين بترد دووام مره ثانيه الله يعينك ههههه ؟شنو تعليقك ..؟؟
أمري و اجري على الله .......كله بس علشااان مستقبلي نعنبوا مستقبل مو راضي يمشي....
س6_ ما هو شعورك في اول يوم مدرسة وانت مقبل على اصدقاء جدد او مرحلة جديده ؟؟ وكيف تتصرف ؟

اول يوم من مدرسه الله يسلمك اكيد مالي خلق حق احد متضايقه وتعبانه وفيني النوووووووم ههههههههههههههههه
واتصررررررف والله مع الاصدقاء احسن مايكووووون على اساس مو مشتاقه حق الدراسه .... مشتاقه مع الربع والشله وانظم مع مجموعه جدد

أحلى مافي المدرسه ........ جمعه الاصدقــاء

>>>> البنت طلعت ماتحب الدراسه ......عسى بس مافي احد هنا مدرس ....ولا مرشد ولا مدير انا مالي دخل هذا الصراحه

الله يرجك جررح طلعتي الفضايح ..... ويسلمو على هذا الموضوع


أختك / شمس

[][ إفراق ][]

السلام عليكم

الأخت المتألقه دوماً

جرح المودة

موضوع جميل ورائع تشكرين عليه


س1 _ ما هو شعورك أول ما قرأت عنوان الموضوع ((العودة الى المدارس )) ؟؟

شعوري كان عادي يعني ماتضايقت منه .

س2_وماذا تقول وتحس عندما ترى هذا الشعار في اماكن كالسوق وغيرها ؟؟

أول كنت أتضايق من وجوده بس الوقت الحالي أمر طبيعي بالنسبه لي .

س3_ هل انت مستعد نفسيا" الى الاقبال على سنة دراسيه جديده ؟؟ وكيف تهيأ نفسك ؟؟
الصراحه أنا لم أنقطع عنها علشان كذا أنا مستعد لها .

س4_ هل أنت متفائل او متشائم من هذا العام ؟؟
الصراحه متفائل ولله الحمد .

س5_ توك مخلص صيفي والحين بترد دووام مره ثانيه الله يعينك ههههه ؟شنو تعليقك ..؟؟

بدون تعليق:(

س6_ ما هو شعورك في اول يوم مدرسة وانت مقبل على اصدقاء جدد او مرحلة جديده ؟؟ وكيف تتصرف ؟
الحمد لله ماني في مدارس خخخخخخخخ:D


ولك مني الف شكر

أخوك

إفراق

[جرح الموده]

السلام عليكم ..

اختي الغاليه .. شمس المحبه ,اخي العزيز .. افراق لكما الشكر والامتنان على حضوركم ومشاركتك واطراءكم الرائع والله يعطيكم العافيه واتمنى الكل يشارك بهاي الموضوع وشوف اراءهم ..

تحياتي .. جرح الموده

[الحـــــــــلا]

جرحوووه


بدوووووووووون تعليــــــــــــــــــــــــق :mad:

[جرح الموده]

السلام عليكم ..


اختي الغاليه ..الحلا عرفت اجوبتك على الاسئله قبل لا تقولين رايج :D:D والله يعطيج العافيه ...

تحياتي .. جرح الموده

[الوليد]

الأخت جرح المودة

لك الشكر على ماتطرحينه في كل يوم من موضوعات قيمة, وتتوافق مع المناسبات والأحداث وليس هذا بمستغرب عليك.


وأتمنى لكل الطلاب والطالبات التوفيق الدائم, وأن يكتب لهم النجاح, ولا يكثروا على والديهم بالمشتريات, فهنالك من الأسر من ترهقهم هذه الطلبات من أجل المظاهر الكاذبة والأشكال المتغيرة, فالذي يريد أن يتناسب مع المجتمع الذي يعيش فيه عليه بأن يجد ويجتهد ويحصل على أعلى العلامات لأنها هي المقياس الحقيقي, أما ألوان الشنط والملابس وأنواع الدفاتر وما الى غير ذلك فهي تنتهي. هذا وأتمنى للجميع عام جديد ملئ بالجد والعطاء.


الوليد